sun.bloggar.is

J� �etta er n� f�rsla...

Fri, 27 Jun 2008 14:49:48 +0000

Ákvað að láta vita að ég er á lífi.

Annars er ástæðan fyrir þessu bloggleysi sú að ég vinn ofsalega mikið, ég er ekki með netið heima og svo er félagslífið svona á sumrið ansi líflegt.
Núna sit ég á kaffihúsinu Skuld og held upp á frídaginn minn og komandi fríhelgi.
Ætli ég fái mér ekki bara köku og hvítvín í tilefni dagsins.

Við höfum það fínt. Nokkuð hefur farið fyrir grillveislum og singstar-partýum að undanförnu og alveg merkilega magnað hvað við þekkjum skemmtilegt fólk.

Var að lenda í skemmtilegu atviki því hér á næsta borði sitja nokkrir Svíar sem höfðu farið í Kaðlín og keypt sér vettlinga. Þær í Kaðlín eru svo sniðugar að þær endurvinna lókalblaðið og búa til úr því poka. Þessir tilteknu Svíar höfðu fengið vettlingana sína pakkaða inn í viðtal og mynd af mér, nokkuð sem þeim fannst voða skondið og sniðugt. Þeir hafa kannski haldið að ég væri eitthvað fræg þar sem ég var í blaði en ég útskýrði málið og við hlógum öll saman, hahaha... Ó svo sniðugt.

Þangað til næst: Hafið það gott

Hv�tt

Sun, 27 Apr 2008 18:57:09 +0000

Verð að biðja alla mína nánustu, bæði vini og fjölskyldu, afsökunar á fjarveru minni á öllum sviðum þessa dagana. Er voðalega upptekin af því að standa mig í vinnunni og er því með hugann mikið við hana.
Finnst hún spennandi verkefni og nóg að gera:)

Er sem sagt í vinnunni núna. Eitthvað að skrifstofast.
Hefði annars getað slegið þessu bara upp í kæruleysi og búið til snjókall en tók vinnuna fram yfir snjókallinn. Jebb það er allt hvítt á Hú.

Sá Hvanndalsbræður á föstudaginn. Voða stuð.
Tók pizzu og dvd maraþon með Siggu Hauks í gær. Voða gott.

Er ein heima. Það tekur sem betur fer enda á morgun.

Sá rosalega feita lóu í gær. Sá svo svaka feitann þröst í dag.
Er eitthvað svona feitu-fugla-þema í gangi?

ps. Hilda, ég veit ekkert um hvaða pizzu þú ert að tala. Sorrý.

30 :)

Mon, 21 Apr 2008 20:14:38 +0000

Mæli klárlega með því að verða þrítug.
Mikið ofsalega var það nú gaman.
Finnst ég líka bara vera frekar fullorðin og töff.

TAKK fyrir allar kveðjur, heimsóknir, gjafir og bara allt:)

30

Fri, 18 Apr 2008 16:38:19 +0000

Á morgun á ég afmæli!!!

Jei!!!

10 dagar

Wed, 09 Apr 2008 20:45:30 +0000

Held barasta að holgómaröddin sé farin...sé ekkert eftir henni.
Heilsan öll að koma til.
Einnig yfirdrátturinn, sem mun hverfa af yfirborði jarðar á morgun.
Húrra!!!

Loksins kom að því.
7 vinkonur hittust í gærkvöldi.
Virkilega ánægjulegt og nauðsynlegt.
Hlakka til að hitta þær fljótlega aftur.

Jebb, 10 dagar í 3 og 0.
Er hvurgi bangin.

Hallandi

Sun, 06 Apr 2008 17:38:45 +0000

Þessari helgi hef ég eytt í streptókokkabaráttu.
Úða í mig verkjalyfjum og pensilíni, á milli þess sem ég dotta og tala líkt og holgóma sé.

Á föstudaginn var síðasti dagurinn minn á leikskólanum.
Ég hélt kveðjuveislu fyrir börnin, gaf þeim popp og sleikjó, samstarfskonur mínar gáfu mér blóm, faðmlög og kossa og var mér afhent bók með teikningum eftir börnin.
Jebb, klárlega kökkur í hálsi.
Á eftir að sakna vinnunnar þar og mun líta í heimsókn fljótlega.

Á morgun byrjar svo ný og spennandi vinna og væri það algjör plús að vera laus við holgómaröddina. Er mjög spennt, með nettan hnút í maganum.

Og svo erum við flutt.
Búum nú niðri við höfn í ca 100 ára gömlu húsi sem heitir Hallandi.
Húsið ber svo sannarlega nafn með rentu.
Upp í kjallarann þarf að ganga um 13 þrep ef ég man rétt og niður í risið hjá okkur eru 2 þrep. Afar skemmtilegt.

Bæjó í bili...

J�r�undirb�ningur er hafinn!!!

Sat, 29 Mar 2008 15:31:49 +0000

Enda ekki seinna vænna.
Undanúrslit 20. og 22. maí og svo úrslit 24.maí.
Er búin að vera að hlusta á þau lög sem munu keppa í ár og einnig rifja upp nokkur gömul og góð í leiðinni.
Hef verið að skoða líkurnar á því að við, Íslendingar, komumst upp úr undanúrslitum og því búin að kynna mér þau lög sem við keppum við.
Svíar og Danir munu etja kappi við Júróbandið og er það erkióvinur JúróÍslands, Charlotte Perelli (fyrrum Nilsson) sem syngur eldgamlan slagara fyrir Svía.
Einhver pottloksDani syngur svo sama lagið og Danir senda alltaf reglulega, nú síðast árið 2005 í flutningi Kobba Sveistrup.
Það má því segja að þessir þrjár frændþjóðir séu býsna gamaldags í lagavalinu þetta árið en einmitt sökum þess er ómögulegt að ætla að spá fyrir um hvort að þessi lög komist áfram.
Held amk að Júróbandið þurfi að "spice-a" upp atriðið sitt allsvakalega til þess að sýna það og sanna að góð popplög þurfi ekki að vera gamlar klisjur.
Endilega skipta út þessum dönsurum fyrir eitthvað brjálæði, sleppa öllu hliðar-saman-hliðar kjaftæði og kaffæra svo allt saman í ljósum og glimmeri.
Hef annars engar áhyggjur af Portúgal, Hvíta-Rússlandi, Albaníu og Sviss þar sem þar er ekkert að gerast.
Ho ho ho, hey hey hey lag sjóræningjana frá Lettlandi á ekki skilið að fara í neitt ferðalag, gellen frá Georgíu er blind þannig að ég þori ekkert að segja um hana, Makedónía veldur vonbrigðum, Ungverjaland er bara leiðinlegt, Malta er með hrikalegt orkudrykkjapartýslag um Vodka og hin úkraínska næstum-því-Anastasía heillar mig ekki.
Ég þori að spá bæði Búlgaríu og Rúmeníu áfram, því fyrra á ferskleikanum en því seinna á gamalmenna-faktornum.
Tyrkir kunna þetta og fara áfram.
Held að Tékkar falli flatir á sínu froðupoppi.

Er enn miður mín yfir því að Kýpverjar hafi ekki náð upp úr undanúrslitunum í fyrra og get því ekki tjáð mig um þá yfir höfuð.

Og svo hef ég bara ekki hugmynd um hvað skal segja um Litháa þar sem ungur metalpower-söngvari syngur ballöðu.

So far spái ég eftirfarandi þjóðum í seinni undanúrslitum áfram:

Búlgaría

Tyrkland

Rúmenía

Malta

Ætla að spá aðeins í þessu.....

Margt afgreitt � einu bloggi

Tue, 25 Mar 2008 21:04:00 +0000

Alveg að koma páskar.

Gleðilega páska!

Páskarnir búnir.

Ég er hér!

Held að vera mín úti á landi geri mig feimna við tölvur því tölvunotkun hefur hríðminnkað. Þakka allar góðar kveðjur, jafnt frá sólarlandi sem og jólalandi, og öðrum löndum. Hér með tilkynnist að ég er lífs.

Er byrjuð í veitinga-og barbransanum, hef fetað mín fyrstu spor þar og stefni á stjórastöðu innan skamms. Án gríns. Börnin verða bara að bjarga sér sjálf.
Er spennt fyrir þessu nýja og klæjar pínu í puttana að byrja.

Annars eru helstu fréttir þær að ég tók þátt í Singstar í fyrsta sinn um helgina.
Maki minn dró mig heim þegar glitti í 5 á klukkunni, ég þá búin að skora á hann í Ace of spades og tveimur Cure-lögum.

Svo er gaman að segja frá því að krabbameinsleit úti á landi er mun fínni en krabb.is í borginni. Voða heimilislegt, kjéllur að spjalla og borða súkkulaði og drekka kaffi, rétt áður en þær fóru í pils og skelltu sér upp á borð. Án efa skemmtilegasta krabbaleit sem ég hef tekið þátt í.

Nóg í bili.
Kem aftur.
Lofa.

T�skut�nar

Tue, 04 Mar 2008 18:03:47 +0000

Helgin liðin.
Kviss-búmm-bang.
Kominn þriðjudagur og rónasteik í matinn.
Mmmmm...

Helgin leið alltof fljótt eins og svo oft áður.
Að venju vorum við hjú löt og kúldruðumst heima við að mestu.
Fórum þó í heimsókn, fengum heimsókn og horfðum á fótbolta.

Ég hafði hugsað mér gott til glóðarinnar á laugardagskvöldið, var komin með hvítt í glas og beið spennt eftir Fashion rocks / Tísku og tónum.
Herlegheitin byrjuðu en féllu um sig sjálf þar sem myndatakan var af alverstu sort.
Þarna svifu hjá heilu kjólarnir sem varla sáust því yfirvaldið á myndavélunum beindi tækninni bara eitthvað út í sal eða upp í loft.
Óþolandi og langar mig helst til að senda inn formlega kvörtun.
Gerist það hér með...

Í öðrum fréttum er það helst að nú geysar höfuðborgarskítviðri.

H�r s� blogg:

Thu, 28 Feb 2008 21:07:10 +0000

- Allt snjóhvítt með glimmeri hér í dag, sólin skínandi og dásamlegt að rölta um bæinn og horfa yfir flóann.

- Er að undirbúa páskaföndrið í vinnunni.

- Heima við er það útsaumur, tedrykkja, sjónvarpsgláp og rólegheit.

- Vona að komandi helgi líði ekki alveg eins fljótt og sú síðasta.

- Von er á hálfvitum og vinum þeirra í bæinn um helgina, sem er gaman.

- Föstudagur á morgun. Jei!